Dagsetning:
29. apríl 2024
CMAP í Kanada - Tækifæri fyrir heilbrigðistæknifyrirtæki
Kynning frá vefkynningu 29. apríl kl. 15
![Ljósmynd](https://images.prismic.io/islandsstofa/ZiD19fPdc1huKmWX_iStock-healthtechnolology.jpg?ixlib=gatsbyFP&auto=format%2Ccompress&fit=max&rect=97%2C0%2C1928%2C1414&w=1126&h=826)
UPPFÆRT 30. apríl - Glærur frá vefkynningarfundi 29. apríl (.pdf)
Íslandsstofa í samstarfi við sendiráð Íslands og samstarfsaðila í Kanada stendur að verkefninu Canadian Healthcare Market Access Program 2024 (CMAP). Með þátttöku í verkefninu fá fyrirtæki fræðslu og innsýn inn í kanadíska heilbrigðiskerfið og aðstoð við að tengjast heilbrigðisyfirvöldum á Nýfundnalandi og á Labrador sem saman mynda austasta fylki Kanada.
Verkefnið samanstendur af ráðgjafarfundum yfir vefinn auk þátttöku í NLHS Innovation Summit í St. John‘s í haust. Sjá nánar hér.
Mánudaginn 29. apríl gafst kostur á að kynna sér prógrammið í heild á veffundi kl. 15:00. Þar kynntu aðstandendur verkefnið auk þess að fara stuttlega yfir heilbrigðiskerfið í Kanada, tækifæri og áskoranir o.fl.
Um var að ræða fyrsta fræðslufundinn í verkefninu. Skráði fyrirtæki sig í kjölfarið til þátttöku í verkefninu í heild er þátttökugjald 250 þúsund krónur.
Nánari upplýsingar veita Erna Björnsdóttir (erna@islandsstofa.is) og Gunnhildur Ásta Guðmundsdóttir (gunnhildur@islandsstofa.is)
Umsögn um verkefnið
„Heilsutækniprógramm íslenska sendiráðsins í Kanada og Íslandsstofu hefur reynst okkur afar vel og við stefnum á langa viðveru á kanadíska markaðnum. Prógrammið er vel skilgreint og er raunverulegur áhugi hjá heilbrigðisyfirvöldum Nýfundnalands að kaupa inn nýsköpun sem hefur jákvæð áhrif á umönnun og rekstur þar. Þetta prógramm ætti að vera fyrsta stopp íslenskra fyrirtækja sem eru að fóta sig á erlendum markaði – þau munu einnig njóta þess að vera með íslenskum fyrirtækjum sem eru nú þegar í samstarfi á markaðnum og tilbúin til að aðstoða.“
Ægir Þór Steinarsson, Retina Risk