Dagsetning:
5. nóvember 2024
Ferðasýningin World Travel Market í London
![Fulltrúar Íslandsstofu og Markaðsstofa landshlutanna á WTM í London ásamt Elizu Reid forsetafrú](https://images.prismic.io/islandsstofa/bc46751e-88fe-49dd-b0f3-6a570b552b3f_WTM%202023%20(22).png?ixlib=gatsbyFP&auto=compress%2Cformat&fit=max&rect=93%2C0%2C1472%2C1080&w=1126&h=826)
Fulltrúar Íslandsstofu og Markaðsstofa landshlutanna á WTM í London 2023, ásamt Elizu Reid forsetafrú
Íslandsstofa tekur þátt í ferðasýningunni World Travel Market (WTM) í London dagana 5.- 7. nóvember 2024. Sýningin er haldin árlega og er ein stærsta sýning fagaðila (B2B) í ferðaþjónustu. Á WTM London býðst fyrirtækjum í ferðaþjónustu gott tækifæri til að kynna sig og koma á viðskiptasamböndum.
Árið 2023 tóku yfir 4.500 kaupendur þátt í sýningunni og voru yfir 29.000 fundir skráðir. Sýningin fer fram í ExCel sýningarhöllinni í London. Íslandsstofa skipuleggur þátttöku á þjóðarbás og sýnir undir merkjum Visit Iceland.
Nánari upplýsingar veitir Hrafnhildur Þórisdóttir, hrafnhildur@islandsstofa.is.